N'aelaw Archedig Bynciau:

1. Bod hyd y llinell gopr rhwng y gyfnewidfa ffon a'r safle yn rhy hir;
2. Bod teclyn rhannu llinell (a elwir hefyd yn DACS - Digital Access Carrier System) ar y llinell - mae angen cysylltu Band Eang a safle'n uniongyrchol, felly ni fydd yn gweithio drwy'r teclynnau rhannu llinell hyn;
3. Bod ceblau alwminiwm yn y llinell. Efallai yr atgyweiriwyd yn y llinell sawl gwaith ar hyd y blynyddoedd,ac efallai y gwnaed y gwaith gan ddefnyddio darn o gebl alwminiwm. Nid yw band eang yn teithio drwy gebl alwminiwm.
4. Ceblau copr o ansawdd gwael. Efallai bod y ceblau copr wedi erydu'n wael neu efallai bod ansawdd y copr yn is, felly byddai'n anodd i fand eang fynd trwy'r cebl.
5. Cysylltau gwael yn y llinell. Mae'r cysylltau rhwng ceblau neu atgyweiriadau hefyd y fannau lle gellir colli signal band eang.

Q: Sut y galla i edrych i weld beth yw fy nghyflymder band eang ar hyn o bryd i weld a ydw i mewn man drwg?

A: Mae yna sawl teclyn i edrych i weld beth yw cyflymder band eang ar y rhyngrwyd Agorwch beiriant chwilio (google, msn, Jeeves) a theipio "ADSL speed checker".

Defnyddiwch ba un bynnag sydd orau gennych i edrych i weld beth yw cyflymder eich llinell. Os gwelwch gyflymder i fyny neu i lawr sy'n is na'r rhai a adroddir, cysylltwch a ni yn: gwybodaeth@abec.org.uk

Q: Beth mae'r Cynulliad Cenedlaethol yn ei wneud i ddatrys y broblem hon?

A: Mae prosiect Cymorth Band Eang Arloesol Rhanbarthol (RIBS) yn gweithio gyda'i ddewis contractwr - Grwp BT - i ddadansoddi pob llinell ffon a safle yng Nghymru.

Rydym wedi meithrin dealltwriaeth dda o nifer y mannau drwg a byddwn yn mynd i'r afael a'r mannau drwg y mae modd gwneud rhywbeth yn eu cylch dros gyfnod y contract. Bydd y contract cyfredol yn para 3 blynedd, a bydd dewis i'w estyn am 2 flynedd arall.

Rydym wedi gweithio gyda BT, a gyda'n gilydd rydym wedi llunio map i ddangos yr holl gofrestriadau ar y wefan broceriaeth.

Mae'n bosibl bod llawer o fannau drwg, a gallai hynny olygu na fydd rhai mannau yn cael band eang am gryn dipyn o amser. Fodd bynnag, mae ffyrdd eraill o dderbyn gwasanaeth band eang, naill ai drwy rwydwaith diwifr neu loeren.

I orffen, efallai bod rhai ardaloedd anghysbell iawn lle mae darparu gwasanaeth band eang yn rhy ddrud. Mae'r amser a'r arian sydd ar gael i'r Cynulliad Cenedlaethol yn gyfyngedig, ac efallai bod rhai ardaloedd na fyddant yn elwa ar y prosiect hwn.

"Yn dal i fethu a chael Band Eang?"

Os ydych chi'n gwybod yn barod eich bod mewn man drwg, gallwch ein helpu drwy gofrestru'ch manylion ar ein gwefan, sef: www.abec.org.uk/blackspots.

Yn ogystal, efallai yr hoffech ofyn i'ch cymdogion weld a ydyn nhw'n wynebu'r un trafferthion mewn man drwg, a gallwch ofyn iddyn nhw gofrestru eu manylion ar y wefan broceriaeth - gorau po fwyaf o gofrestriadau a gesglir mewn un ardal, o ran yr achos busnes a'r cyfiawnhad dros wneud y gwaith.

Mae gennym fynediad at lawer o daflenni, posteri, CDiau ayb sydd ar gael am ddim i bobl ledaenu gwybodaeth a chynyddu ymwybyddiaeth a'r galw yn eu hardal. Anfonwch neges e-bost at: broadband@cymru.gsi.gov.uk os hoffech i ni anfon deunyddiau atoch.

Gall technoleg newydd DSL Max gynyddu'r pellter y gall band eang deithio o hyd at 1km ymhellach mewn rhai achosion. Os oes peiriannydd wedi dweud wrthych fod hyd eich llinell yn golygu bod band eang allan o'ch cyrraedd o fymryn, gallai fod yn werth i chi geisio ail-archebu band eang. Gofynnwch yn benodol am fand eang DSL Max am y gallai hyn eich galluogi bellach i dderbyn band eang gyda'r technolegau mwy newydd.

Os byddwch chi'n derbyn band eang yn llwyddiannus drwy ba fodd bynnag, byddai'n ddefnyddiol iawn i ni pe gallech roi gwybod i ni er mwyn i ni allu symud ymlaen i fannau drwg eraill a pharhau i gynorthwyo ardaloedd eraill yng Nghymru. Fel arall, efallai y byddwn yn gwastraffu amser yn chwilio am ffyrdd o ddatrys mannau drwg a ddatryswyd eisoes.